現象

每次在這裏寫一些帶點沉痛味兒的文章，總是零回應。
這是個很有趣的現象。

會看這個blog的人，大部份都知道我的家庭背景。
不回應，為什麼呢？

唔....呢d家事... 唔知會唔會講錯野，hurt到佢ga ma。
又唔知佢會唔會唔想提起，唔開心呢...
咁我同佢又唔係咁熟... 講出黎餞dead air~~
如果我挑起佢d傷心事，佢真係喊起黎對住我訴苦，我都唔知點應佢... 最怕見到人喊ga la~~
唔係唔想關心佢，之不過人地既事無謂八，知道佢唔開心咪算lor，hei，呢d野唔到我o地理既...~

等等等等...

我 有一班感情很好的朋友。去年年初，我們慢慢開始發現這班朋友中間有一位的網上日記愈寫愈灰暗。他與我們相處的時候仍然是談笑風生，甚至比一般人更懂搞 笑，但他的日記卻是愈來愈灰沉，很多很多不快樂的情緒，將近放棄的態度，反映在字裏行間。當然，我們一班朋友都很擔心。於是，大家趁他不在的時候——

喂佢成日咁既樣唔掂個bor...
係啦佢成日扮到冇事咁樣，但係日記寫得咁恐怖...
佢咁cool，點敢問佢喎，我怕佢會覺得我膚淺呀
佢同我地一齊真係完全冇野咁ga~~~
就係咁先驚！佢個樣愈冇野，我地愈唔知佢唸咩
咁點算呀...??
但係點開聲問佢wor~~
佢扮到冇事咁樣，會唔會唔想人問佢ga...

如此這般的討論，可以一直持續10-15分鐘，直到大家講無可講，講黎講去都冇哂新意，才作罷。


「喂，你係咪唔開心？」-->真的這麼難說嗎？

這七個字有什麼問題？

很有問題！說這七個字帶有很大風險，所以我們這麼關心他，我們會在他背後不停討論，我們會經常追看他的網上日記以確保知道他的最新情況，就是不會當面問他！

還不明白嗎？
我 白說了！看見別人的痛苦的時候，我們的心感受到沉重的壓力，我們覺得不舒服，心裏不好過。如果要直接了當的走去問一句「喂，你係咪唔開心呀？」，我們便 可能要面對更多沉重的情緒，心情拉得更低。那種壓力令我們窒息，令我們不知所措，令我們想逃離這種環境。但是，如果我們完全不聞不問的話，又好像顯得我們 很自私，我們也想找一個渠道關心一下這個朋友，於是，我們便在當事人背後互相討論，直到大家都能把心中的憂慮發洩出來，互相幫助大家發現「我們已經做到最 好的了」，然後一同消除心中的罪惡感，再互相認可對方仍是很有愛心的人，並享受隨之而來的平安為止。
還不明白嗎？

「喂，你係咪唔 開心？」這七個字並不難說，我們對負面情緒的一味逃避和過份恐懼才是問題所在。坦白說有誰沒有嘗過失落痛苦的滋味？我們都是流過淚的人。流 過淚的人要了解流淚者的心情有什麼難度？我們的死症在於不斷逃避，死不面對；連別人的痛苦也要急急腳避開。其實，將心比己就是了。痛苦者也只是一個人，和 你有著同樣的情緒，只是期待關心與支持而已！

「喂，你係咪唔開心？」溫柔而勇敢地說出來吧！


p.s. Patrick: 我返到宿舍，睇返個日記先記得你講邊篇日記，所以講電話既時候有d牛頭唔搭馬嘴。sorry，謝謝你既電話ar~