...............

唉.... 好多時候，人都係好似咩都冇做過咁。

我好快考試，今日一連掃左10個chapter，之後上icq，見到朋友send黎既link，有關生與死；睇左陣，個人好似去左另一個世界，好似d書同生死好大距離。好搞笑，明明是很接近生死的科目，偏好像最遠離。

好多時臨考試前，要花好一段時間，將個人調整到一個真係關心病人既狀態裏面。同學仔個個向度係咁背書，我就走左去睇醫院裏面既人。一個人一個生命。好多時，向一個坐輪椅既婆婆身上見到medicine，向考試裏面見唔到。

好 多時考試前，背書背到最頂峰既時候，我都會出去睇人。我好喜歡睇人。睇一個向你身邊行過既師奶，一個鴕背既呀婆，occasionally會見到個CP 仔，或者一個Downs，身邊有個義工，或者有個照顧佢既屋企人。我會向個師奶身上見到HT/DM, 同埋佢拎住左好大好大包藥... 每日一粒，每日一粒。會見到佢背後既屋企，仔女，丈夫，wonder佢地之間既關係係點既。感覺上我點樣做套exam，有冇miss左一個step都唔重 要，medicine醫到人嗎？人醫到人。望住書本裏面既知識，普通人 向裏面見到生命既可貴，見到生老病死悲歡離合。醫生見到專有名詞和象牙塔的知識，最新的科技發展。

有時見到d大醫生，對醫療科技的追逐和對新跑車、新音響組合的追逐心態同出一轍。有的是對科技的追逐，眼裏看不見人。醫治成了表現自己的方法，表演的一種，可以用來show off。生命被約化，人成了一個又一個diagnosis，lesion，syndrome。

同學們都承認學習裏的東西和病人相距很遠。我不知道同學們有沒有採取什麼方法拉近這種差距。有些人甚至不明白為何病人和家屬會這麼緊張。我不知道我可以做什麼。我只知道我不喜歡這種感覺。

以上是比較極端的形容。不少醫生不是這樣的，醫療專業和人性關懷也不是對立的，我也見過一些醫生能把兩者揉合得很溫柔。或許我是從書本中猛地抽出來，看了網頁，整個人楞了，PTSD吧。

=========================

加 多句... somehow，我覺得醫生不是主角。醫生是病人生命裏的一個配角。這人有何幸，讀了一堆書，便得以走進這許多人的生命之中。就算不是什麼大意義，也算在 另一個人的生命裏面有過一點兒影響。考試的時候，醫生是主角，在表演，一舉手一投足都計分，能夠跟足台詞做就最高分。離開試場之後，醫生和病人在相處，在 互相影響，冇script的，就只有兩個人的interaction。

=========================

向Heyson既xanga度抄來的，好貼切！

醫學院一年一度的年終扮醫生大賽即將舉行，各參賽者均努力備戰中。

本年度的比賽採用四式混合制，分兩部份進行。

第一部份：寫作

本部份旨在考驗各參賽者在醫學"常識"上的寫作能力 (尤其於乜都唔識時的吹水能力)。請各參賽者留意，本年度不會有 Multiple Guess Questions (即MCQ).

舉行時間：二零零六年四月二十五日 (星期二)

第二部份：扮醫生

各參賽者須於指定時限內扮醫生，然後向一個扮病人的病人 (?!) 問取病歷。大會為求增加是次比賽的刺激度，本年度將即場加入醫學"常識"答問環節，保證各參賽者的賢上腺素高高高。

舉行時間：二零零六年五月二、三日 (星期二、三)

獎品

於是次比賽表現良好的參賽者將獲贈六星期的自費海外/國內/本地學習團及五年級入場券乙張 (不得轉讓)。

殘酷一叮

另於日前舉行的預賽表現優異的參賽者將獲邀參加高級組醫學"常識"殘酷一叮viva(答問)比賽。於此部份優勝的參賽者可獲得叮叮(distinction)或/及精美金牌一個。

舉行時間：待定 (將有專人通知獲邀的參賽者)

在此祝福各參賽者勁過~~~~ 加油~~